Mga Tuntunin at Kundisyon:

Referral Program
Ang sumusunod na mga tuntunin at kundisyon ay (ang "Kasunduan") sa pagitan ng naaangkop na Remitly entity ayon sa kahulugan nito sa Seksyon 10 ("Remitly," “kami,” o “amin”), at ninyo ("ikaw" o "iyo"), ang kalahok sa Remitly Referral Program (ang "Referral Program"). Ang pakikilahok sa Referral Program ay sumasailalim sa mga tuntunin ng Kasunduang ito, ng Kasunduan sa Remitly, ng Patakaran sa Privacy, at anumang iba pang mga kasunduang mayroon kami sa iyo. Kung hindi ka sang-ayon sa mga tuntunin at kundisyong nilalaman ng Kasunduang ito sa kabuuan ng mga ito, hindi ka pinahihintulutang lumahok sa Referral Program.

1. PAKIKILAHOK SA REFERRAL PROGRAM

Puwede kang lumahok sa Referral Program at kumita ng Rewards alinsunod sa iyong pagsunod sa mga tuntunin ng Kasunduang ito at sa mga kinakailangang iniaatas dito.
Para lumahok sa Referral Program, dapat ay mayroon kang nakarehistrong account sa Remitly. Maaaring mangailangan ng karagdagang impormasyon mula sa iyo o sa iyong Referral para makatiyak kami sa iyong mga pagkakakilanlan bilang bahagi ng mga kailangan naming gawin para sa Know Your Customer. Nauunawaan mo na ang pagbibigay ng naturang impormasyon ay kinakailangan para makalahok sa Referral Program at makuha ang Rewards na available.

2. MGA KINAKAILANGAN PARA SA MGA VALID NA REFERRAL

Makakatanggap ka ng promo na alok sa susunod mong transfer sa Remitly gaya ng diskwento, bonus, transfer na walang fee, third party na gift card, atbp. (“Reward”) para sa bawat magkakaibang taong ire-refer mo sa Remitly na makakatugon sa lahat ng sumusunod na kundisyon ("Referral"):
a. In-access ng Referral mo ang serbisyo ng Remitly nang direkta mula sa iyong paraan ng referral (hal., pag-click sa iyong natatanging link) at matagumpay na pag-sign up sa Remitly sa pamamagitan ng link na iyon;
b. Matagumpay na naipadala ng Referral mo ang una mong transfer sa Remitly sa isang tao bukod pa sa iyo sa paraang sumusunod sa aming Kasunduan sa User; at
c. Ang transfer ng Referral mo ay hindi nakansela (ng Referral o ng Remitly).

3. REWARDS

Maaaring magbago ang Reward sa paglipas ng panahon ayon sa pagpapasya ng Remitly; gayunpaman, tutugunan pa rin ang mga Referral na makukumpleto bago ang pagbabago ng Reward. Maaari din kaming maglapat ng mga karagdagang paghihigpit sa iyong kakayahang mag-claim ng Reward na ipapaalam sa iyo sa pamamagitan ng Kasunduang ito o sa pamamagitan ng aming mga serbisyo. Ibinibigay ang rewards para sa mga layunin ng promo; wala halaga ang mga ito sa cash at hindi ito maaaring ilipat o ipagpalit sa cash o iba pang halaga ng pera.

4. IPINAGBABAWAL NA PAGGAMIT

Sumasang-ayon kang lumahok sa Referral Program alinsunod sa Kasunduang ito. Hindi mo/ka maaaring:
a) Mag-imbita ng mga customer na ng Remitly, kasama ang sa pamamagitan ng ibang mga pagkakakilanlan, login, pagrerehistro, o iba pang mga katulad na paraan;
b) Mag-imbita ng mga taong wala pang 18 taong gulang;
c) Gumawa ng maraming pagkakakilanlan, login, o pagrerehistro para sa iyong sarili;
d) Mag-imbita ng mga taong hindi kathang-isip, doble, o kung hindi naman ay peke;
e) Mag-imbita ng mga tao sa pamamagitan ng isang paraan ng maramihang pamamahagi, pamamahagi sa mga estranghero, o sa anumang paraang maituturing o magmimistulang email na hindi hinihingi, electronic na komunikasyon, o spam sa ilalim ng naaangkop na batas o regulasyon;
f) Gamitin ang Referral Program para sa mga komersyal na layunin;
g) Lumahok sa Referral Program sa anumang paraang makakasira sa brand, goodwill, o reputasyon ng Remitly;
h) Lumahok sa Referral Program kung ang paggawa nito ay ipinagbabawal ng anumang naaangkop na batas, kautusan o regulasyon; o
i) Gamitin ang Referral Program sa isang kahina-hinalang paraan o nang lumalabag sa Kasunduang ito, sa Kasunduan sa User (sa anumang non-trivial na paraan), iba pang mga kasunduang mayroon kami sa iyo, o nang lumalabag sa anumang batas, kautusan o regulasyon ng pamahalaan.

Hindi ka kwalipikado at hindi ka magiging kwalipikado para sa isang Reward para sa mga susunod na money transfer ng iyong Referral sa Remitly. Inilalaan ng Remitly ang karapatang ipawalang-bisa ang anumang Referral o paghahatid ng Rewards na: (i) mukhang mapanloko; o (ii) mukhang ginawa bilang resulta ng isang mapanlinlang na transaksyon.

5. PAGPROTEKTA SA DATA

Kinakatawan at ginagarantiya mo sa amin na nakuha mo ang tahasang pahintulot ng mga indibidwal na may data na ibinibigay mo sa amin. Sumasang-ayon ka pang maaari kaming magpadala sa iyo at sa anumang indibidwal na nire-refer mo ng mga mensaheng hinggil sa Referral Program, alinsunod sa aming Patakaran sa Privacy at maaari naming sabihin sa iyong Referral ang iyong mga detalye at na isinagawa mo ang referral. Ang lahat ng impormasyong kinokolekta sa Referral Program ay sasailalim sa aming Patakaran sa Privacy.

6. LIMITASYON NG PANANAGUTAN

RESPONSABLE KAMI SA IYO PARA SA MAAASAHANG PAGKALUGI AT DANYOS NA DULOT NAMIN. KUNG HINDI KAMI MAKAKASUNOD SA MGA TUNTUNIN NG KASUNDUANG ITO, RESPONSABLE KAMI PARA SA PAGKALUGI O DANYOS NA MARARANASAN MO NA ISANG MAAASAHANG RESULTA NG PAGLABAG NAMIN SA MGA TUNTUNING ITO, O NG PAGKABIGAO NAMING GUMAMIT NG MAKATWIRANG PANGANGALAGA O KAKAYANAN, PERO HINDI KAMI RESPONSABLE PARA SA ANUMANG PAGKALUGI O DANYOS NA HINDI MAAASAHAN. ANG PAGKALUGI O DANYOS AY MAAASAHAN KUNG MALAMANG NA MANGYAYARI ITO, O KUNG, SA PANAHONG PUMASOK TAYO SA KASUNDUANG ITO, ALAM NATING DALAWA NA POSIBLE ITONG MANGYARI. HINDI KAMI RESPONSABLE PARA SA ANUMANG PAGKALUGI O DANYOS NA MARARANASAN MO BILANG RESULTA NG PAGLABAG MO SA MGA TUNTUNIN NG KASUNDUANG ITO. ANG MAAASAHANG PAGKALUGI O DANYOS NA MAAARING IDULOT NAMIN AY KATUMBAS NG HALAGA SA PERA NG ISANG (1) REWARD NOONG PANAHONG IYON. KINIKILALA MO NA ANG LIMITASYON SA PAGKALUGI O DANYOS NA ITO AY PATAS AT MAKATWIRAN.

HINDI GUMAGAWA ANG REMITLY NG ANUMANG PAGKAKATAWAN O GARANTIYA HINGGIL SA ANUMANG MGA RESULTANG NAKUKUHA SA PAMAMAGITAN NG REFERRAL PROGRAM O NG TAGAL NG PAGHAHATID NG REWARDS.
MGA PAGBUBUKOD SA AMING MGA LIMIT SA PAGKAKAROON NG PANANAGUTAN SA IYO. HINDI NALALAPAT ANG MGA LIMIT SA AMING PANANAGUTAN SA IYO SA ILALIM NG KASUNDUANG ITO KUNG MAKAKARANAS KA NG PAGKALUGI BILANG RESULTA NG:
A. PAGKAMATAY O PERSONAL NA PINSALANG DULOT NG AMING MGA AKTO O OMISYON (KASAMA ANG AMING PAGPAPABAYA);
B. PANLOLOKO O PANLILINLANG NAMIN;
C. PAGGAMIT NA PANGNEGOSYO/KOMERSYAL (NON-DOMESTIC O PRIBADONG PAGGAMIT NG REFERRAL PROGRAM) AT ILANG PARTIKULAR NA PAGKALUGI;
D. MGA AKSYONG GINAGAWA NAMIN PARA SUMUNOD SA MGA NAAANGKOP NA BATAS O PARA SA MGA KAGANAPANG WALA SA KONTROL NAMIN (KASAMA NANG WALANG LIMITASYON ANG MGA LOCKOUT, KAGULUHAN, SAKUNA, PAGKAWALA NG KURYENTE, PAGKAWALA NG INTERNET, OUTAGE, O MAINTENANCE).
Pakitandaang ang mga residente ng ilang hurisdiksyon ay maaaring may ilang karapatan ayon sa inilalarawan dito:
Australia: Walang bahagi ng Kasunduang ito ay naglilimita, nagbubukod o nagbabago o nagmimistulang naglilimita, nagbubukod o nagbabago sa mga garantiya sa consumer na iniaatas ng batas sa ilalim ng Competition and Consumer Act, pati ang anumang iba pang pinahihiwatig na garantiya sa ilalim ng ASIC Act o mga katulad na batas sa pagprotekta sa consumer sa Mga Estado at Teritoryo ng Australia (“Mga Garantiyang Hindi Nabubukod”).

7. PAGHAHATID NG REWARDS

Alinsunod sa iyong pagsunod sa mga tuntunin ng Kasunduang ito, awtomatikong ilalapat ng Remitly ang Reward sa iyong account. Kung hindi ka kwalipikadong makatanggap ng isang paraan ng pagbabayad sa iyong pinagmulang bansa o hurisdiksyon, isasagawa ang pagbabayad ng Reward sa isang paraang pinipili ng Remitly sa sarili nitong pagpapasya (nang makatwiran). Hindi ginagarantiya ng Remitly ang tagal ng paghahatid ng anumang Rewards na nakuha.

8. MGA PAGBABAGO SA KASUNDUANG ITO O SA REFERRAL PROGRAM

Inirereserba namin ang karapatang baguhin o wakasan ang Referral Program o ang Kasunduang ito anumang oras nang walang abiso. Ang iyong patuloy na pakikilahok sa Referral Program pagkatapos ng naturang pagbabago at pag-aabiso tungkol dito ay ituturing bilang iyong pagpapahintulot sa naturang pagbabago.

9. IBA PANG MGA TUNTUNIN

Ang pagresolba sa lahat ng tanong o hindi pagkakaunawaan hinggil sa pagiging kwalipikado para sa Referral Program, pagkita ng rewards, o iyong pagsunod sa mga tuntunin at kundisyon ng Kasunduang ito ay sasailalim sa aming makatwirang pagkakaintindi.
Tahasan naming inilalaan ang karapatang isara ang (mga) account o ipawalang-bisa ang Rewards para sa iyo at iyong Referral kung lalabagin o susubukang labagin ng anumang party ang Kasunduang ito o kung hindi naman ay abusuhin ang mga kinakailangan sa Referral Program, ayon sa tangi ngunit makatwirang pagpapasya ng Remitly. Hindi make-claim o magagamit ng mga empleyado ng Remitly ang Rewards.

10. NANGINGIBABAW NA WIKA AT NAAANGKOP NA REMITLY ENTITY

Kung sakaling may anumang hindi pagkakapareho sa pagitan ng English na bersyon ng Kasunduang ito at ng naka-translate na text, mangingibabaw ang English na text.
Ang Remitly Referral Program ay ibinibigay at pinapatakbo ng naaangkop na Remitly entity at ang mga batas na sumasaklaw sa mga tuntunin ng Kasunduang ito ay batay sa iyong tinitirhang bansa.

Ang Iyong Tinitirhang Bansa	Naaangkop na Remitly Affiliate	Impormasyon ng Lisensya	Sumasaklaw na Batas
Australia	Remitly Australia Pty Ltd 1 Farrer Place, Sydney NSW 2000
Bansa sa European Economic Area	Remitly Europe Limited 1st Floor, Penrose One, Penrose Dock, Cork, T23 KW81, Ireland	Regulated ng Central Bank of Ireland. Company number: 629909	Ireland
New Zealand	Remitly (New Zealand) Limited	Nakarehistro sa Financial Service Providers Register (FSP number 1003229)	New Zealand
Singapore	Remitly Singapore Pte. Ltd 38 Beach Road, #29-11 South Beach Tower, Singapore 189767	Licensed ng Monetary Authority of Singapore para makapagbigay ng mga serbisyo sa paglilipat ng pera sa ibang bansa (UEN 201920838N).	Singapore
United Kingdom	Remitly U.K., Ltd. 90 Whitfield Street, W1T 4EZ London, England, United Kingdom Company number: 09896841	Regulated ng Financial Conduct Authority sa ilalim ng Payment Services Regulations 2017 (reference number: 728639). Nakarehistro sa HMRC bilang negosyo ng serbisyo sa pera (na may registration number na 12861136 (00000)).	England at Wales
United States at Canada	Remitly, Inc. 1111 3rd Ave Suite 2100 Seattle, WA 98101	Licensed bilang isang Money Transmitter ng New York State Department of Financial Services, bilang isang Foreign Transmittal Agency ng Massachusetts Division of Banks, at LICENSED NG GEORGIA DEPARTMENT OF BANKING AND FINANCE. NMLS No. 1028236	Estado ng Washington
United Arab Emirates	Remitly (DIFC) Limited Level 15 Unit GD-GB-00-15-BC-23, Gate District, Gate Building Dubai International Financial Centre, Dubai, United Arab Emirates	Ang Remitly (DFIC) Limited ay pinapangasiwaan ng DFSA	Batas ng England

I-share ang Remitly sa isang kaibigan:

I-share ang Remitly!